Ses

Ses

María Xosé Silgar é unha artista da terra, de clase; de inconfundíbel talento musical e poético, mistura melodías galegas e forasteiras para reivindicar sen complexos o dereito do pobo galego a existir.

Implicada, rabuda, revolucionaria e transgresora, persegue a igualdade social e cultura de Galiza e oponse á extinción como pobo. As súas letras constitúen unha verdadeira declaración de principios contra o autoodio existente en sectores da sociedade galega actual.

A súa música é variada e universal, demostra cando sobe a un escenario que en galego “chégase á fin do mundo” e que a música é unha ponte universal para a multiculturalidade.

Orgullosa da cultura que ten de seu, de noso, chega ao Festival do Castro despois do seu cuarto disco, misturando melodías e estilos musicais variados cunhas letras reivindicativas e explícitas, alén de profundas, onde amosa coma ninguén o orgullo de clase e de raíces. A súa consolidación é o premio a ter porfiado na existencia e na resistencia de existir, de existirmos libres e galegas! Brava!

A Cadela Asesina

A Cadela Asesina

Grupo Folk cun futuro prometedor por diante, chegan ao Festival do Castro para poñer o sabor do tradicional da música dos fiadeiros e das foliadas. Fieis á percusión tradicional, a súa música é unha exhibición fantástica resultado da apaña e da herdanza musical popular.

Na vestimenta, nos sons e nas combinacións este grupo novo en idade ten un longo percorrido anterior en xeiras populares, cantos de taberna e outros certames que lle levan dado unha grande proxección.

Nacen na terra, con raíces nas Ribeiras e nas ladeiras fértiles do Val de Lemos, e exhiben coa súa música e coas súas letras o orgullo da música tradicional da Ribeira Sacra, que teñen recuperado como parte do patrimonio musical das terras de Lemos! Orgullo da tradición galega nos sons, amor á terra nas formas, logran integrar o público en todas as súas actuacións! Se vén a Cadela Asesina, a troula e a festa han ser rachadas!

O Val das Mouras

O Val das Mouras

Bautízanse co nome dunha Fraga lendaria que existe no corazón do Courel, e que conserva a pureza dunha cultura á que xa lle cantaran os clásicos. Esta formación celta-folk chega a Pantón para poñer de riba do escenario un alarde de cultura musical e poética de raíces construído dende a ética e o orgullo da pertenza a unha cultura secular, a galega.

Basean a súa proposta na obra poética de Rosalía de Castro, en particular no libro “Follas Novas”, cántanlle ao corazón galego que habita en cadaquén, e logran a harmonía musical e poética coas letras e cos sons.

Cántanlle á muller galega, á emigración, á cultura mariñeira, á labradora, cántanlle á universilidade da aldea galega e dos seus habitantes con mestría na combinación das melodías e da nosa poesía. “Recitan música e cantan poesía”, o que converte a súa música nun fermoso exercicio artístico que dignifica a Galiza que fomos para nos lembrar quen somos.

As Sircópatas

As Sircópatas

As Sircópatas presentan case en primicia o seu novo espectáculo no Festival do Castro e seguro que non nos van deixar indiferentes. Rogelio leva 20 anos sen saar da casa porque ele facían bulling no colexio. Agora, para curarse e que lee dean a alta ten que facer en público o que máis alle gusta, a magia. Mamá ten unha cita moi importante, así que coa axuda do público vaise curar.

Un espectáculo de clown e maxia onde o público é o verdadeiro protagonista. Un espectáculo moi físico, sobre todo para o público. Un espectáculo cheo de risas, humor, e onde os clixés dos números clásicos de circo se repiten, pero feito por un pallaso con problemas mentais.

Novo circo galego, para todos os públicos, onde se rompe a cuarta parede, e se converte a xente nunha parte máis do espectáculo; onde todos forman un todo e onde non vas poder parar de rir, porque se parpadeas o perdes, como na maxia.

Cé Orquestra Pantasma

Cé Orquestra Pantasma

César Fereiría é o home orquestra que alá onde chega pódese asegurar que hai festa! Xa o comprobamos en anos anteriores e como nos gusta tanto ver gozar á xente repetimos. A Cé Orquestra Pantásma volverá, unha vez máis no Castro, facer movernos coma nunca antes. Sérá no Café Concerto logo do xantar popular.

Dende o 2008 este singular artista percorre festas e festivais de todo o país. O batepés, a kalimba baixo e guitarra de acordes fixa son algúns dos instrumentos inventados polo propio artista. A melodía que só é capaz de crear con axuda de todos estes instrumentos é o que fai del un músico escepcionalmente peculiar. A súa traxectona é longa, con tan só oito aniños xá comezou a introducirse na música tradicional, pasando por varios estilos de música popular, formando parte de grupos como A Roda, Aradouro, Ciprián e Ortiax ke te pariu, entre outros.