As Aerealistas

As Aerealistas

Voltar a Artistas

Logo de Kote Malabar chega o tempo das acrobacias de man de Raquel Oitaven e Mercé Solè que presentarán o espectáculo ‘O que queda por chover’. Unha peza que  fala do curso da vida de dúas mulleres dende os anos novos ata que os fins son chegados. A infancia, a adolescencia e a madurez son tramos polos que transcorre a historia, dende un punto de vista cómico, dinámico e visual.

As Aerealistas ofrecerán en Pantón un espectáculo axeitado para todos os públicos. Este será ao aire libre e nos balcóns do Castro, de onde se poden gozar unhas singulares vistas do Val de Lemos.

As Aerealistas traballan contorsións imposíbeis dentro dunha maleta e acrobacias espectaculares coas que ficar coa boca aberta.

Kote Malabar

Kote Malabar

Voltar a Artistas

Kote Malabar é un artista de rúa, cómico e malabarista cunha longa traxectoria no sector da diversión xa que leva máis dunha década quitanto sorrisos e provocando o goce de xente de todas as idades, dende cativos a adultos. Conta cunha ampla experiencia en diversas actuacións en festas, feiras, festivais e calquera outro acto lúdico e de entretemento en toda a Galiza, Portugal e outros territorios do estranxeiro.

No espectáculo que presentará no Festival do Castro mestura técnicas de circo, clown e teatro cómico e de participación, nunha relación directa actor e público que pasará a formar parte activa e indispensable dun espectáculo no que pode acontecer de todo, incluso que calquera dos que veñan a pasar a tarde ao Festival do Castro rematen sendo as estrelas da función.