Sés actuará no Festival do Castro 2017!

Sés actuará no Festival do Castro 2017!

SES, considerada como a revolución da actual escena musical galega, prosegue a presentación do seu último traballo, Opoñerse á extinción, en Pantón.

Dende a organización do Festival do Castro, comprácenos anunciar que volvemos as andadas cunha nova edición da cita festivaleira máis importante do verán da Ribeira Sacra, da Galiza e do mundo enteiro.

E para que non falte ninguén en dito evento aberto e gratuíto, confirmamos a data, como é habitual, será o sábado 19 de agosto de 2017 en Pantón no recinto feiral do Castro.

E para ir facendo bo sabor de boca confirmamos que a cantora bergantiñana “SES” será unha das cabezas de cartel da duodécima edición organizada pola “Asoc. Cultural Escola de Baile e Gaitas O Castro”.

SES, considerada como a revolución da actual escena musical galega, prosegue a presentación do seu último traballo, Opoñerse á extinción, en Pantón.

É o cuarto álbum dunha SES que sigue sendo pura forza, inconformismo e paixón. Nel segue a liña do seu inconfundible estilo que a levou a converterse na artista máis relevante do país nos últimos anos e nun auténtico fenómeno social que non deixa de medrar.

Este novo traballo continúa na liña dos dous discos anteriores, cunha onda ecléctica que vai do rock ao blues pasando pola canción de autor latinoamericana, pero atrevéndose desta volta con novas sonoridades e deixando máis espazo para a cantareira que hai no seu interior.

A SES compositora vai medrando e madurando, aínda que sigue a tratar os temas de sempre: o amor en todas as súas versións (inclúe unha canción dedicada á filla dunha das súas cantoras), sen esquecer un tema clave da súa personalidade como artista, a denuncia social.

Dende a organización fieis ó estilo de xornada completa de activades no plano cultural e festivo manterá un esquema similar ó de anos anteriores aínda que se introducirán, como cada ano, adaptación nalgunha actividade, así pois, confirmado, este ano volta o Festival do Castro, 19 de agosto, todo o día no Castro, non fagas máis plans para esta data!!!

Aquí está o Festival do Castro 2016! 

Aquí está o Festival do Castro 2016! 

(fai clic na imaxe para ampliares)

Tras 11 anos e en épocas difíciles para as asociacións como a nosa, conseguimos ter un cartaz cheo de actividades para que ninguén quede á marxe dun día tan especial e festivo. Desde pola mañá haberá animación e desde as 11 a feira de artesanía. Despois introducimos un obradoiro de brinquedos musicais para miúdos e miúdas. Despois e por terceiro ano desde as 13h teremos sesión vermú con cantos de taberna para abrir boca para o xantar popular, que rematará como todos os anos co café concerto con Cé Orquestra Pantasma. Xantar en boa compañía, música e festa, a ecuación perfecta.

Co inicio da tarde comezan as actividades para os cativos e cativas con globoflexia, pintura de caras e xogos participativos. Para todas as idades as xa clásicas actividades de circo de rúa que son parte imprescindíbel da esencia do Festival do Castro. E case seguido comeza no mesmo espazo o Anoitecer no Castro con Blues do País, que aseguramos que te sorprenderán.

E desde as 11 da noite o concerto aberto polo Bloquinho de Xermolos para seguir con Coanhadeira, o ska-punk dos Uruguaios Once Tiros, os imprencindíbeis Nao, que repiten dez anos depois, e Skandalo GZ. Toda a noite de música que chegará ao amencer coas misturas de Soundkilla até que o corpo agüante.

Pensamos que non pode haber mellor programa. Consúltao aquí completo cos negocios locias que nos apoian e que nos recomendamos e agradecemos o seu alento. Agardámoste!

Xa temos listas as rifas do Castro 2016!

Xa temos listas as rifas do Castro 2016!

Durante este mes e até ben entrado setembro estarán á venda as rifas de apoio o Festival do Castro 2016.

Podes conseguilas, como en edicións anteriores, a través dos colaboradores e colaboradoras do festival e en diferentes establecementos de Pantón e comarca, dos cales informaremos en vindeiros días polas redes sociais.

O custo das rifas e de un euro e o premio que se pode conseguir e irresistible: un plan marabilloso para coñecer mais devagar a Ribeira Sacra.

Deste xeito, se achegas un euro á nosa causa, es portadora ou portador dun boleto que che outorgará a posibilidade de conseguir de premio unha xornada de pracer no Balneario Auga Santas de Pantón para dúas persoas. O sorteo será o da ONCE o lúns día 27 de xullo de 2015 e gañará quen teña o boleto coas 4 últimas cifras.

O Festival do Castro é un evento festivo e cultural gratuíto e independente e mercando unha rifa estas colaborando ao seu mantemento, porque sempre decimos que o festival somos todas. Sorte!!

Velaquí a camisola festivaleira de 2016

Velaquí a camisola festivaleira de 2016

Xa temos á venda a camiseta deste ano para lucir e presumir de Festival de Castro entre as túas amizades. En duas cores, gris plomo e chocolate, para escoller e en todas as tallas desde a 4-5 anos á maior XXXL que podas imaxinar, adaptada a todo tipo de corpos. A un prezo módico de 9 euros podes, ademais de ir á última, contibuir poñendo o teu grao de area para o mantemento desta aventura.
Se a queres xa solicítaa no correo festivaldocastro@gmail.com e se vas estar connosco no Festival o 20 de agosto, non vaias marchar sen ela!

Soundkilla

Soundkilla

Soundkilla

E, coma todos os anos, a festa dura até o día. E ao remataren os concertos, no Castro de Ferreira segue a festa da man de Soundkilla. Debaixo da carpa e cun bar ao carón as resiatentes poderán seguir de festa.

Soundkilla é un colectivo galego que nace no 2007 tras a unión de varios mc’s e selectores con experiencia propia. A idea de promoveren a música reggae e a cultura “Sound System” fai que no 2010 decidisen construír o seu propio sistema de son artesán, pioneiro na Galiza, e que dende aquela non parou de medrar. Na actualidade conta con dúas torres de altofalantes de máis de dous metros e medio de alto e 10 kw de potencia cada unha. Son limpo e potente que fará gozar a quen resista até o amencer no Festival do Castro.

Máis de 10 anos de traballo avalan a traxectoria deste colectivo, que xa ten compartido escenario con artistas de sona mundial. Ademais: teñen gozado do seu espectáculo en diferentes salas de dentro e fóra da Galiza, Barcelona, Madrid, Canarias, Asturias e parte de Portugal.

Nao

Nao

Nao

Nao é un grupo de música rock galego da Estrada. A banda fúndase no 2005 e caracterízase por un estilo que vai dende o rap-metal ata un metal combinado con rock. Estes estilos sobre todo están máis presentes nos seus últimos traballos.

A banda conta con seis álbums de estudo máis un EP. As súas cancións falan do compromiso político e a crítica social. E todas elas están escritas en galego. O grupo nace coa intención de poñer voz a calquera problemática que sexa galega, ademais de beber das fontes clásicas da cultura desta erra.

A senda pola que transcorre a sua traxectoria é intensa e medra a medida que pasa o tempo, xa que na actualidade a banda da Estrada é un dos grupos de referencia do panorama musical galego. Os de Nao chegan ao Festival do Cástro nun dos mellores momentos do seu percorrido vital. O día 20 de agosto Nao no Castro de Pantón. Non o perdas!!

Skandalo Gz

Skandalo Gz

Skandalo Gz

Skandalo GZ é unha banda de ska/punk galega con base en Ponteareas. Nace no 2007, xunguida ao territorio que habita, e fai gala do orguilo que supon a pertenza a unha colectividade cunhá cultura diferenciada como é a galega. As influencias musicais que máis marcan o seu estilo son Kortatu, La Polla, Los muertos de Cristo, Skacha e Fermin Muguruza.

Con 3 discos e case 10 nos de experiencia trae ao Castro o seu carácter reivindicativo e transgresor.

Son un grupo policamente moi incorrecto, e só a súa inquebrantable fe no que querían transmitir foi quen de facerlle superar os infinitos atrancos que teñen atopado no camiño, e seren quen de agasallarnos cuns directos, con sons que nos levan á éxtase nos que se produce unha simbiose pura entre grupo e público.

Once Tiros

Once Tiros

Once Tiros

Veñen do Uruguai, consolidados no panorama rock internacional e definidos como Ska-Punk-Reggae, nace no ano 1997 coma unha banda de tres amigos, o que a obriga a ser trío nun inicio. E dende a rúa Parvadomus na Zona de Punta Carretas en Montevideo, sacan o seu primeiro disco, ao que bautizan co nome da rúa. Após este, a banda foi crecendo no musical, e tamén na necesidade de contar con máis persoas. As influencias musicais son moi variadas, van dende grupos como La Polla Records é Skape, a Bob Marley, Sublime, Los Fabulsos Cadillacs, Los Pericos, The Clash, Iron Maiden, Metallica 9 outras bandas. Procuraron así a fusión dun grande número de estilos musicais, pero cunha base no ska-punk-reggae. Logo chegarían as incorporacions de máis musicos, algunha baixa, colaboracións estelares, e súa consolidación como grupo de referencia primeiro en Punta Carretas, e despois en todo o Uruguai, chegando ao momento coma unha banda compacta e contundente que conta cun grande número de seguidoras e seguidores incondiconais “. “Y que más………. Y que maaaaaaaaaaaasss…….. puedo pediriiiiiirrrr?” (fragmento da cancion “Aventuras y Proezas-Parvadomus”). Con catro discos publicados, Parvadomus, Glamour y violencia, Momento extraño e Imán este ano visitan Europa de xira, e estarán no Castro de Ferreira.

Coanhadeira

Coanhadeira

Coanhadeira

As coanhadeiras son en moitos lugares de Galiza, as mulleres responsables de varrer os restos do cereal logo das duras xornadas da malla, e por extensión é tamén o nome das vasoiras que empregaban. O grupo Coanhadeira naceu no ano 2006 con ese mesmo espírito de recollida. Porque está formación de música folque vive entregada a amosar aqueles “restos” musicais conservados até os nosos días a través da tradición oral da cultura galega.

Grazas á beleza das melodías tradicionais e aos seus directos cargados de forza, nos últimos anos esta banda acadou numerosos recoñecementos. Primeiro premio do IV concurso Nsaio na sección FOLK, tamén do certame Folk Escenario PRAU (Cantábria). Fixéronse co segundo premio no Folk Folkez Blai e forou finalistas do Escenario Runas do Festival Irtercéltico de Ortigueira

O seu último álbum, Bicos con luvas, procura unha nova achega á música feita na Galiza, e coas máximas de faceren danzable calquera espazo, e de ateigar os escenarios do poder percusivo, de letras sorprendentes e atmosferas sutís. Asinan co seu selo de calidade a súa participación na XI Edición do Festival do Castro.

Bloquinho Xermolos

Bloquinho Xermolos

Bloquinho de Xermolos

O Bloquinho de Xermolos naceu no corazón da Terra Chá, en Guitiriz (Lugo). Logo de moitas xuntanzas entre amigos para tocaren percusión afrobrasileira, xurdiu a idea de se converter nunha formación para poder actuar por toda a xeografía do país. Aquelas xuntanzas deron o seu froito, e agora o seu prestixio e recoñecemento é absoluto en toda a xeografía galega. Teñen participado en diferentes lugares e festivais recoñecidos da Galiza, e son “buque insignia” do Festival de Pardiñas.

A súa actividade está centrada no samba-reggae e no samba-afro, estilos propios da música tradicional de Salvador de Bahía, grazas a referencias coma Olodum ou Ile Aiye.